For å oppretthalde ein straum i ein elektrisk leiar må ein ha ein elektrisk spenningskjelde, for eksempel eit batteri eller ein generator. Eininga for elektrisk spenning er volt (V).
Omgrepa likespenning og vekselspenning kan forklarast på tilsvarande måte som likestraum og vekselstraum – altså at spenninga ved likespenning er den same heile tida, medan spenninga ved vekselspenning varierer. Både produksjon og overføring av elektrisitet skjer gjerne med ei spenning på fleire tusen volt. Då brukar vi eininga kilovolt (kV), som er 1 000 volt (V).
